Xiyar və pomidoru birlikdə yemək orqanizmə zərərli ola bilər. Bu mövzu zaman-zaman müxtəlif müzakirələrə səbəb olub. Türkiyəli məşhur həkim Canan Karatay bununla bağlı müzakirələrə son qoyacaq açıqlama verib.

Mütəxəssis bildirib ki, qış aylarında qətiyyən pomidor-xiyar yemək tövsiyə edillmir. Qışda bir çox kimyəvi maddələrə məruz qalaraq yetişdirilən bu məhsullar yerinə daha sağlam qış tərəvəzlərindən istifadə edə bilərsiniz.Pomidor və xiyarın həzm müddəti fərqlidir. Həzm müddəti müxtəlif olan qidaların qəbulu orqanizm üçün ən yorucu ola bilər. Bu vəziyyət mədə-bağırsaq sisteminə mənfi təsir göstərir. Bu da bütün bədəninizi zəhərləyə biləcək bir qida fermentasiyasına səbəb ola bilər. Həzm sistemində yaranan problem narahatlıq, ağrı və uzun müddət bağırsaq problemlərinə gətirib çıxara bilər.

“Pomidor, əslində meyvədir. Amma tərəvəz olaraq ayırmışıq. Çox yeyiləndə xəstələrimin həm şəkəri, həm də sidik turşusu səviyyəsi yüksəlir. Xüsusən iyun və iyul aylarında bu baş verir",-deyə Canan Karatay qeyd edib.

Mütəxəssis bildirib ki, vaxtından əvvəl yetişdirilən, kimyəvi maddələrlə becərilən bütün meyvə-tərəvəzlər zərərlidir. Buna kənd təsərrüfatı zəhəri demək olar. Süni şəkildə yetişdirilən pomidor xərçəng də daxil olmaqla, bir çox xəstəliyə səbəb ola bilər. Ona görə də btün meyvə-tərəvəzləri öz mövsümündə yemək lazımdır. Pomidorun yetişmə mövsümü sentyabr ayıdır. İndi təbii şəkildə yetişən pomidorlar hələ yaşıldır. Bazarda satılan pomidorlar isə süni şəkildə kimyəvi dərmanlarla qızardılıb və istehlakı tövsiyə edilmir.

Canan Karatay onu da əlavə edib ki, pomidoru acqarına istehlak etmək mədə turşuluğunu artırır. Bu qastritə səbəb olur. Buna görə də, acqarına pomidor istehlak etmək kifayət qədər zərərlidir.

Sevinc Hüseynova

Saglamolun.Az