Quru Meyvələrin Faydaları: Hansı Hansı Xəstəliklərə xeyirlidir və Necə Hazırlanır?

Medtime.az-ın araşdırmasına əsasən, qurudulmuş meyvələr — ananasdan kiviyə, almadan əriyə qədər — təzə meyvələri əvəz edir. Quru meyvələr həm çox faydalıdır, həm də doyurucudur. Həyatımızda qədim Mesopotamiyadan bəri yer alan bu meyvələr  müasir dövrdə də az qala təzə meyvələr qədər məşhurlaşıb.

Quru Meyvələrin Faydaları:

Quru meyvələr, aclığı aradan qaldırmaq üçün ləzzətli və enerjiverici qida mənbəyi olmaqla yanaşı, yorğunluğu və stresi azaldır. Qida dəyəri yüksəkdir və bədəninizin ehtiyac duyduğu vitamin və mineralları təmin edir. Məsələn, təzə meyvələrin tərkibindəki suyun 90%-i qurudularkən 10-20%-ə qədər azalır, lakin bu meyvələrin lif tərkibi çoxalır və toxluq hissi verir. Onlar həzm sistemini yaxşılaşdırır və güclü antioksidantdır. Tərkibindəki kalsium sümükləri gücləndirir və ürək xəstəliklərindən qoruyur.

Quru Meyvələr Alarkən Nələrə Diqqət Etmək Lazımdır:

• - Şəkər əlavəsi olan quru meyvələrdən uzaq durun.

• - Az miqdarda yeyin, çünki meyvələr qurudulanda şəkər konsentrasiyası artır və bu da quru meyvələrin kalorisini yüksəldir.

Evdə Quru Meyvə Hazırlamaq:

Evdə quru meyvə hazırlamaq asandır. Alma, portağal, armud, ananas və ya sevdiyiniz digər meyvələrin üzərinə bir az darçın səpin və aşağı temperaturda sobada qurudun. Nəticədə həm dadlı, həm də sağlam bir qəlyanaltı əldə edəcəksiniz.

Hər Bir Quru Meyvənin Faydaları:

• - Gavalı: Xərçəng və yaşlanmaya qarşı təsirli olan gavalı, B1, B2, B6, A, C və E vitaminləri ilə zəngindir. Tərkibindəki kalium və maqnezium ürək, böyrək və təzyiq xəstəliklərinə qarşı faydalıdır.

• - Ərik: A vitamini və kalium baxımından zəngin olan ərik, dərini qoruyur, həzm problemlərinə yaxşı təsir edir, qansızlıq və stressi azaldır. Liflə zəngin olduğundan xərçəngə qarşı da qoruyucudur.

• - Alma: Yüksək lif tərkibi sayəsində toxluq verir. Göz sağlamlığını dəstəkləyir və bədəndə qida balansını qoruyur.

• - Əncir: Boğaz ağrısı və bronxitə qarşı təsirlidir. Həmçinin hüceyrə yenilənməsini dəstəkləyir. Tərkibində kalsium və fosfor var, bu da sümük və diş sağlamlığını gücləndirir. Əncir həmçinin qansızlıq və həzm problemlərinə də faydalıdır.

• - Üzüm: A, B1, B2 və C vitaminləri, dəmir, sink, kalium və fosfor baxımından zəngindir. Həzmi asanlaşdırır, böyrək və qaraciyər xəstəliklərinə qarşı faydalıdır, həmçinin unutqanlığa da kömək edir.

Quru meyvələr, gündəlik həyatınıza həm dad, həm də sağlamlıq qatmaq üçün ideal seçimdir. Yaxşı bir qəlyanaltı olaraq, həm aclığı aradan qaldırar, həm də bədəninizin ehtiyac duyduğu vitamin və minerallarla zəngindir.